Монгол Улсын Ерөнхий сайд У.Хүрэлсүх нийслэлийн Налайх дүүргийн ажилтай энэ сарын 08-нд танилцаж, тулгамдаж буй зарим асуудлыг шийдвэрлэв.

Тухайлбал, “Голомт” сургуулийг шинэчилж 960 хүүхдийн шинэ сургууль, мөн цэцэрлэг барих, дүүргийн эмнэлгийг нэн шаардлагатай 150 сая орчим төгрөгийн үнэ бүхий тоног төхөөрөмжөөр хангах зэрэг асуудлыг ирэх оны Улсын төсөвт суулгах болов.

Мөн тус дүүргийн иргэдтэй уулзалт хийж, Засгийн газрын мөрийн хөтөлбөр, түүний хэрэгжилт, бодлого, чиглэлийн талаар танилцуулж, санал, шүүмжийг сонссон юм. Түүнчлэн төрийн албан хаагчидтай нэгдсэн хурал зохион байгуулж, 2019 оныг “Иргэн төвтэй төрийн үйлчилгээний жил”-ээр зарласан талаар мэдээлэв. Энэ хүрээнд иргэд, олон нийтэд нээлттэй, шударга хандаж, чирэгдэлгүй үйлчлэх учиртайг хэлж байлаа.

Сэтгэгдэлгүй

ХАРИУ ҮЛДЭЭХ